Hakeem Baba-Ahmed, shugaban jam’iyyar SDP, ya ce sakamakon zaɓukan da aka gudanar a Amurka ya nuna illar da shugabanni ke fuskanta idan suka yi watsi da halin da al’umma ke ciki.
Ya ce da a ce shugabannin Najeriya sun ba da damar gudanar da sahihin zaɓe, da sun ga irin yadda al’umma za su iya bayyana matsayarsu ta hanyar ƙuri’a.
- NDLEA ta taya sabon kwamishinan tsaron cikin gida na Kano murna
- NNPC ya gabatar da binciken amfani da fasahar AI wajen gano albarkatun mai a Najeriya
A cikin saƙon nasa, Baba-Ahmed ya zargi shugabannin Najeriya da mayar da talakawa mabarata, ta hanyar barin su cikin mawuyacin hali, sannan su riƙa ba su tallafi ko abin da ya kira tsaba bayan sun sha wahala.
Ya ƙara da cewa al’umma na ci gaba da jiran ranar zaɓe domin su bayyana matsayarsu, yana mai addu’ar Allah Ya kai su wannan rana.