Amurka ta ce a shirye take ta gana da Iran a Majalisar Ɗinkin Duniya

Sakataren Harkokin Wajen Amurka, Marco Rubio, ya ce Amurka a shirye take ta gana da Iran a yayin taron Majalisar Ɗinkin Duniya da ke gudana.

• Lagos na neman damar ƙara zuba jari ta hanyar haɗin gwiwar duniya
• NDC na shirin ƙaddamar da majalisar yaƙin neman zaɓen 2027

Rubio ya bayyana cewa a halin yanzu ba a tsara wata ganawa tsakanin ƙasashen biyu ba, amma Amurka za ta marabci tattaunawar idan akwai yiwuwar ta haifar da sakamako mai kyau.

Ya ce babban burin Amurka shi ne tabbatar da cewa Iran ba ta mallaki makamin nukiliya, yana mai cewa hakan ba abin da Amurka za ta amince da shi ba.