Shugaban Ƙungiyar Gwamnonin Jam’iyyar APC mai mulki (PGF), Gwamna Hope Uzodimma na Jihar Imo, ya jagoranci gwamnonin jam’iyyar zuwa bikin rantsar da Gwamnan Jihar Ekiti, Biodun Oyebanji, domin fara wa’adinsa na biyu.
Uzodimma ya bayyana hakan ne a saƙon taya murna da ya fitar bayan rantsar da Oyebanji, wanda ya sake lashe zaɓen gwamnan jihar.
- Kwastam ta kama tabar wiwi mai nauyin kilogiram 400, ta kai wa NDLEA
- Hukumar shige da fice ta Gambia ta cafke mutane 151 da ake zargin shirin yin ƙaura ba bisa ƙa’ida ba
Ya ce sake zaɓen Oyebanji na nuna yadda al’ummar Jihar Ekiti suka sake nuna amincewarsu da shugabancinsa da kuma manufofinsa.
Gwamnan na Imo ya bayyana kwarin gwiwar cewa Oyebanji zai ci gaba da aiwatar da ayyukan raya ƙasa da bunƙasa tattalin arzikin jihar, domin inganta walwala da ci gaban al’ummar Ekiti.
Uzodimma ya taya takwaransa murnar samun sabon wa’adin mulki, tare da yi masa fatan samun nasarar cika alƙawuran da ya ɗauka da kuma cimma muradun al’ummar jihar.