Ƙungiyar mata mai suna Women of Influence for Tinubu 2027 ta kai ziyarar ban girma ga Ministan Yaɗa Labarai da Wayar da Kan Jama’a na Najeriya, Mohammed Idris, a Abuja ranar 21 ga Oktoba, 2026.
Tawagar ta samu tarba daga ministan, wanda ya fito a hoton haɗin gwiwa tare da jagorar ƙungiyar ta ƙasa, Hauwa Farouk Ibrahim, da sauran jami’an ma’aikatar.
- Yadda Ebola ta bazu zuwa Yammacin Afirka har ta shigo Najeriya
- WHO ta bukaci a inganta kula da lafiyar matan da suka daina al’ada
Sauran waɗanda suka halarci ziyarar sun haɗa da Sunday Baba, Mataimaki na Musamman kan Harkokin Gudanarwa ga ministan; Daraktan Sashen Hulɗa da Jama’a da Protocol, Dr. Suleiman Haruna; da Shugaban Protocol na ministan, Oghenekevwe Uchendu.
Haka kuma, Babban Jami’in Protocol na ministan, Sampson Ikemitang, da sauran mambobin ƙungiyar sun halarci ziyarar.
Ƙungiyar Women of Influence for Tinubu 2027 na goyon bayan Shugaba Bola Ahmed Tinubu a zaɓen shekarar 2027, kamar yadda sunan ƙungiyar ya nuna.
Sai dai sanarwar da aka fitar kan ziyarar ba ta bayyana batutuwan da aka tattauna ko wasu yarjejeniyoyin da aka cimma yayin ganawar ba.