Rundunar ’yan sandan Najeriya ta kama wani matashi mai shekara 22 da ake zargi da hannu wajen sace wani yaro mai shekara tara, Ubaidu Sammani, a Jihar Kano.
Sanarwar rundunar ta ce an kama wanda ake zargin, wanda aka fi sani da Sankolo, a unguwar Rimin Kebe a ranar 6 ga Nuwamba, 2026.
- NDLEA ta kama ’yar Uganda da hodar iblis 87 a al’aurarta
- ’Yan sanda sun kama wanda ake zargi da taimaka wa ’yan bindiga a Sakkwato
Ana zargin matashin da hannu wajen sace yaron a ranar 3 ga Yuli, 2026, kuma rundunar ta ce tana ƙoƙarin gano inda aka ɓoye shi domin ceto shi.
Haka kuma, rundunar ta ce tana ƙoƙarin cafke sauran waɗanda ake zargin suna da hannu a lamarin.
Wanda ake zargin yana hannun ’yan sanda, yayin da bincike ke ci gaba.