Kakakin hukumar, Abdullahi Maiwada, ya bayyana cewa an samu kuɗaɗen ne bayan sarrafa rahotannin tantance kaya 9,195 kafin isowarsu ƙasar, tare da takardun sanar da kaya guda 99,839.
Ya ce nasarar ta samu ne sakamakon inganta tsarin tattara bayanai, amfani da fasahar zamani wajen gudanar da ayyuka da kuma haɗin gwiwa da masu ruwa da tsaki.
- NOA ta bayyana muhimman tanade-tanaden Dokar Zaɓe ta 2026 gabanin zaɓen 2027
- An ceto mutum 10 da aka yi garkuwa da su a Ogun, an kashe wanda ake zargi
Hukumar ta kuma ce ayyukan fitar da kaya zuwa ƙasashen waje a zangon farko zuwa na uku na shekarar 2026 sun samar da dala miliyan 752.85, wanda ya nuna ƙarin kashi 22.14 idan aka kwatanta da dala miliyan 586.15 da aka samu a makamancin lokacin 2025.
Bugu da ƙari, hukumar ta ce ta ƙwato haramtattun kayayyaki da waɗanda aka hana shigo da su da darajarsu ta harajin kwastam ta haura Naira biliyan 8.1, yayin da ta ƙaddamar da tsarin bayyana kuɗaɗen waje ta hanyar lantarki domin ƙara gaskiya da sa ido kan hada-hadar kuɗi.
Hukumar ta kuma bayyana cewa ta ceto namun dawa guda shida masu suna Pangolin a wasu samame a Jihar Ogun, inda ta miƙa su ga ƙungiyar Green Fingers Wildlife Conservation Initiative domin kula da su da kuma kare rayuwarsu.