Faransa ta yaba da ƙoƙarin Pakistan na shiga tsakani tsakanin Iran da Amurka, yayin da Islamabad ke ci gaba da isar da saƙonni tsakanin ƙasashen biyu domin ganin an samu hanyar tattaunawa.
Ministan Harkokin Wajen Faransa, Jean-Noel Barrot, ya gana da takwaransa na Pakistan, Ishaq Dar, a gabanin babban taron Majalisar Ɗinkin Duniya da ke gudana a birnin New York.
- Mahama ya bukaci ƙasashen Global South su ƙarfafa tattalin arzikinsu
- Najeriya na neman ƙarfafa gargadin bala’o’in yanayi tun kafin su faru
Barrot ya jaddada buƙatar gudanar da tattaunawa mai faɗi da za ta haɗa dukkan ɓangarorin da abin ya shafa, domin taimakawa wajen tabbatar da wadatar makamashi da kuma magance barazanar da Faransa ke cewa Iran na haifarwa a fannonin makamashin nukiliya da makamai masu linzami da kuma al’amuran yankin.
Ma’aikatar Harkokin Wajen Faransa ta ce irin wannan tattaunawa na da muhimmanci wajen samar da mafita mai ɗorewa ga rikicin da ke tsakanin Iran da Amurka.