Cape Verde ta kafa tarihi yayin da ta ƙare a mataki na biyu a Rukuni na H kuma ta tsallaka matakin ƙungiyoyi 32 na Kofin Duniya bayan wasan da ta tashi 0-0 da Saudi Arabia a filin wasa na Houston.
Ƙasar, wadda ta fito daga nahiyar Afirka ta kammala wasannin rukuni da maki 3, wanda ya ba ta damar kasancewa cikin ƙasashe biyun saman tebur bayan Uruguay ta sha kashi a hannun zakaran Turai Spaniya.
A wasan Cape Verde na gaba za ta fafata ne da zakaran da ke rike da Kofin Duniya, Argentina, a ranar 3 ga Yuli a filin wasa na Miami.
- Man City zata sayi Anderson
- Gusau ya yi alkawarin mayar da horar da masu horarwa zuwa matakin jihohi
Cape Verde ta zama ƙasa ta farko da ta fara shiga gasar Kofin Duniya kuma ta tsallake matakin rukuni tun bayan Slovakia a 2010.
Haka kuma su ne ƙungiyar Afirka ta farko da ta yi haka tun bayan Ghana a 2006.
Cape Verde kuma ita ce ƙungiyar farko da ta fara shiga Kofin Duniya ba tare da an doke ta ba a wasannin rukuni guda uku tun bayan Senegal a 2002, yayin da Saudi Arabia ta kasa tsallake matakin rukuni a gasa 6 da ta buga a jere yanzu.