Gwamnan Jihar Legas, Babajide Sanwo-Olu, ya karɓi tawagar shugabannin Ƙungiyar Musulman Kudu maso Yammacin Najeriya (MUSWEN), waɗanda suka kai masa ziyarar ban girma a gidan gwamnatin Legas da ke Marina.
Sanwo-Olu ya bayyana cewa sun tattauna muhimmiyar rawar da shugabannin addinai za su taka wajen inganta zaman lafiya, haɗin kai da fahimtar juna tsakanin al’ummomi.
- Shettima ya buƙaci sabon Sakataren CAF, Samson Adamu, ya yi bajinta a muƙaminsa
- Sojoji sun kashe waɗanda ake zargi da garkuwa da mutane uku a Kogi
Gwamnan ya bayyana jin daɗinsa kan gudummawar da shugabannin addinai ke bayarwa wajen tabbatar da zaman lafiya da kyakkyawar mu’amala a cikin al’umma.
Ya kuma yaba wa MUSWEN da sauran shugabannin addinai bisa haɗin gwiwar da suke ci gaba da bai wa gwamnatinsa wajen gina Jihar Legas mai haɗa kowa da kowa, tare da tabbatar da zaman lafiya da fahimtar juna.