Gwamnan Jihar Legas, Babajide Sanwo-Olu, ya yaba wa al’ummar jihar kan jajircewa da imanin da suke da shi kan makomar Najeriya, yayin da ƙasar ke bikin cika shekaru 66 da samun ’yancin kai.
Sanwo-Olu ya bayyana hakan ne bayan halartar faretin bikin cika shekaru 66 da samun ’yancin kai da aka gudanar a filin Mobolaji Johnson Arena da ke Onikan, Legas.
- Sarkin Musulmi ya tabbatar cewa za a riƙa gudanar da babban taron NSCIA duk shekara
- NiMet ta yi gargadin yiwuwar ambaliyar ruwa a jihohi 21 na Nigeria
Gwamnan ya ce shekaru 66 muhimmiyar nasara ce, wadda ke wakiltar shekaru da dama na aiki tukuru da sadaukarwa daga al’ummomin da suka gabata da kuma ’yan Legas da ke ci gaba da yin aiki tuƙuru domin ci gaban ƙasa.
Ya jaddada cewa gina ƙasa aiki ne da ba ya ƙarewa, kuma yana buƙatar haɗin kan kowa domin cimma manufa guda.
Sanwo-Olu ya gode wa al’ummar Legas bisa juriyarsu da kuma ci gaba da amincewa da makomar da suke da ita tare, yana mai cewa gwamnatinsa za ta ci gaba da yin nata ɓangaren wajen gina Legas da za ta yi aiki ga kowa.