Asusun Tallafawa Yara na Majalisar Ɗinkin Duniya (UNICEF) ya yi kira ga shugabannin ƙasashen duniya da su tabbatar da kare haƙƙin kowane yaro a ko’ina cikin duniya.

UNICEF ta ce shekaru 37 da suka gabata, shugabannin duniya sun yi alƙawarin kare yara, taimaka musu wajen samun ilimi da kuma tabbatar da ’yancinsu na faɗin albarkacin bakinsu da sauraron ra’ayoyinsu.

Ta bayyana cewa an yi wannan alƙawarin ne ta hanyar yarjejeniyar Majalisar Ɗinkin Duniya kan haƙƙin yara, wadda ta ce ita ce yarjejeniyar kare haƙƙin bil’adama da ƙasashe suka fi amincewa da ita a tarihi.

A saƙonta na bikin Ranar Yara ta Duniya, UNICEF ta buƙaci shugabannin ƙasashe da su cika wannan alƙawari ta hanyar kare haƙƙin dukkan yara, ba tare da la’akari da inda suke zaune ba.

By Bashar Muhammad Dange

Bashar Muhammad is a Nigerian multimedia journalist, broadcaster, producer, and Digital Manager at Blueprint Radio Hausa. He holds a B.Sc. and a Diploma in Mass Communication. He has experience in news reporting, radio production, digital media management, and content creation.

Leave a Reply

Your email address will not be published. Required fields are marked *