Tsohon Gwamnan Jihar Kogi, Alhaji Ibrahim Idris, ya rasu.
Jaridar Blueprint ta ruwaito cewa Idris ya rasu ne ranar Lahadi, 20 ga Satumba, 2026, a Birtaniya, yana da shekaru 77 a duniya.
Ko da yake har yanzu bayanan da suka shafi rasuwar ba su cika bayyana ba, majiyoyin iyalan marigayin sun ce Idris ya dade yana fama da rashin lafiya.
- Gwamnatin Tarayya ta kaddamar da Kwamitin Bikin Cika Shekaru 66 da samun ‘yancin kai
- Mashako na ƙara yaɗuwa a Najeriya: Me ya sa cutar da ake iya rigakafi ke ci gaba da kashe mutane?
- Ana zargin wata mata ta kashe mijinta saboda zai kara aure na biyu a Kano
A halin da ake ciki, Gwamnan Jihar Kogi mai ci, Ahmed Usman Ododo, ya mika sakon ta’aziyyarsa ga iyalan tsohon gwamnan.
A cikin sakon ta’aziyyar, Ododo ya bayyana marigayin a matsayin mutum da ya bayar da gudunmawa mai ma’ana a fagen siyasa da kasuwanci.
Gwamnan ya kuma tuna ganawarsa ta karshe da marigayin a watan Maris na 2024, lokacin da ya kai ziyara tare da wasu masu ruwa da tsaki kan harkokin siyasa daga Karamar Hukumar Omala.