Majalisar Kamfen ɗin Shugaban Ƙasa ta jam’iyyar APC ta yi Allah-wadai da hare-haren da aka kai wa wasu tarukan siyasa a sassan Najeriya, tare da kira ga hukumomin tsaro su kamo waɗanda ke da hannu a ciki.

A cikin wata sanarwa da mai magana da yawun majalisar kamfen ɗin, Dele Alake, ya fitar ranar 12 ga Nuwamba, 2026, APC ta ce hare-haren da aka ruwaito a jihohin Edo, Cross River da Gombe, da kuma waɗanda aka kai wa magoya bayan jam’iyyu da ’yan siyasa, abin Allah-wadai ne.

Jam’iyyar ta kuma yi Allah-wadai da tarwatsa wani taron tattaunawa da jam’iyyar Nigeria Democratic Congress (NDC) ta shirya gudanarwa a Legas a ranar 12 ga Nuwamba.

APC ta kuma yi kira ga hukumomin tsaro da su ƙara sa ido tare da ɗaukar matakan da suka dace domin hana tashin hankalin siyasa, da kuma kamo waɗanda suka haddasa ko suka aikata hare-haren domin hukunta su bisa doka.

Ta ƙara da cewa ya kamata jam’iyyun siyasa da ’yan takara su mayar da hankali kan gabatar da manufofin da za su inganta rayuwar ’yan Najeriya, maimakon tayar da zaune tsaye a wajen tarukan siyasa.

By Bashar Muhammad Dange

Bashar Muhammad is a Nigerian multimedia journalist, broadcaster, producer, and Digital Manager at Blueprint Radio Hausa. He holds a B.Sc. and a Diploma in Mass Communication. He has experience in news reporting, radio production, digital media management, and content creation.

Leave a Reply

Your email address will not be published. Required fields are marked *