Kwamitin Yaƙin Neman Zaɓen Dan Shugaban Ƙasa na jam’iyyar ADC (ADC-PCC) ya musanta sahihancin wani jadawalin yaƙin neman zaɓe da ke yawo, yana mai cewa takardar ba ta fito daga kwamitin ko ofishin yaƙin neman zaɓen jam’iyyar ba.
Kwamitin ya bayyana cewa jadawalin ba shi da izinin hukuma, don haka bai kamata ’yan Najeriya, da mambobin ADC, da shugabannin jam’iyyar da sauran masu ruwa da tsaki su ɗauke shi a matsayin sahihin jadawalin ayyukan yaƙin neman zaɓe ba.
- “Lokaci kan sauya abubuwa, amma abota da mutunta juna suna nan daram.” — Abdul Samad Rabiu
- ’Yan sanda sun miƙa buhunan ganyen da ake zargin tabar wiwi ne 69 ga NDLEA
A cikin sanarwar, kwamitin ya buƙaci dukkan mambobi da masu ruwa da tsaki da su yi watsi da takardar, tare da jiran sanarwar hukuma daga ADC-PCC kan ayyukan yaƙin neman zaɓe da jadawalinsu.
Sanarwar, wadda daraktan yaɗa labarai da hulɗa da jama’a na kwamitin, Kola Ologbondiyan, ya sanya wa hannu, ta jaddada cewa kwamitin ne zai fitar da sahihan bayanai game da jadawalin yaƙin neman zaɓen.
Kwamitin ya buƙaci jama’a da su dogara da sanarwar hukuma kawai wajen samun bayanai kan shirye-shiryen yaƙin neman zaɓen jam’iyyar.