Tawagar ‘yan wasan Najeriya ta ‘yan ƙasa da shekaru 15 ta samu gagarumar nasara a Gasar Cin Kofin Duniya ta matasa ta U15, inda ta doke kasar New Caledonia da ci 7-0 a ranar Laraba, 28 ga watan Oktobar 2026.
Matasan ‘yan wasan na Najeriya sun mamaye wasan, inda Oche ya fara zura kwallo a minti na farko don bai wa Najeriya damar samun nasara da wuri.
Ijachi ya kara yawan kwallayen a minti na 12 kafin daga bisani ya cika hat-trick da karin kwallaye a minti na 16 da 35.
-
Lagos za ta karɓi bakuncin bikin bayar da kyaututtukan CAF na 2026
-
Kyaftin din Najeriya Rasheedat Ajibade za ta yi jinya tsawon lokaci sakamakon raunin da ta ji a kafarta
-
An cire Najeriya daga Gasar WAFU B ta U17, kuma ta rasa tikitin Zuwa AFCON da Gasar kofin duniya
Haka ma Muhammad ya zura kwallaye biyu, inda ya ci a minti na 21 da 39, yayin da Najeriya ta ci gaba da nuna fifiko a kan abokan karawarsu.
Salu ne ya kammala cin ƙwallo ta bakwai a minti na 40, wanda hakan ya tabbatar da nasara mai ban mamaki ga matasan ‘yan wasan na Najeriya.
Hat-trick din da Ijachi ya ci na daga cikin abubuwan da suka fi ɗaukar hankali a wasan, yayin da hare-haren da Najeriya ta kai suka nuna irin ƙwarewar da tawagar take da ita a matakin matasa.
Nasarar ci 7-0 wani babban sako ne daga Najeriya ga abokan karawar ta a Gasar Cin Kofin Duniya ta matasa ta U15 dake gudana a Azerbaijan.