Gwamnati ta ƙara taimaka wa manoma wajen samun ingantattun iri, takin zamani, kayan aikin noma da horo kan hanyoyin noma na zamani domin ƙara yawan amfanin gona.
A faɗaɗa hanyoyin ban-ruwa domin manoma su riƙa noma a lokacin rani, tare da inganta sarrafa ƙasa da ruwa don samun amfanin gona a yanayi daban-daban.
A sauƙaƙa wa manoma samun rance mai sauƙin biya da sauran tallafin da za su taimaka musu wajen sayen kayan noma, sannan a ƙarfafa horas da su kan dabarun noma masu inganci.
A gina ko inganta rumbunan ajiya, wuraren sarrafa amfanin gona da hanyoyin jigila domin rage lalacewar hatsi, kayan lambu da sauran kayan abinci bayan girbi.
A ƙarfafa noman hatsi, kayan lambu, kiwon dabbobi da kifaye, tare da amfani da fasahohi masu kare muhalli. Hakan zai taimaka wajen ƙara nau’o’in abinci da samar da ingantacciyar hanyar samun kuɗin shiga ga manoma da sauran masu samar da abinci.
Taken ranar abinci ta Duniya ta 2026; shi ne “Ƙirƙira a yau, ciyarwa gobe” wato (Innovate Today, Nourish Tomorrow), bisa bayanin Hukumar Abinci da Noma ta Majalisar Ɗinkin Duniya (FAO).
Taken ya jaddada muhimmancin amfani da fasaha da sabbin dabaru wajen samar da abinci da tabbatar da wadatarsa a nan gaba.