Rundunar yan sandan Neja ta ce jami’an sashen yaƙi da manyan laifuka sun kama wasu mutum biyar a wurare daban-daban bisa zargin haɗin baki da garkuwa da mutane domin karɓar kuɗin fansa.
Waɗanda aka kama sun haɗa da wani matashi mai shekaru 23 daga jihar Kwara da mai shekaru 25 daga ƙauyen Zugurma a jihar Neja; da Legi Zangara,wani waɗanda shekarunsu suka kama daga 20 zuwa 20, daga jihar Kebbi.
- INEC ta ce fasahar AI ba ita ce za ta yanke sakamakon zaɓen 2027 ba
- An kama wani mutum bayan sare wa wani wuyan hannu a rikicin siyasa a Bauchi
- ’Yan sanda sun kama wani mutum kan zargin kisan direban adaidaita da satar babur a Neja
Sanarwar ta ce mai shekaru 23 ya amsa cewa yana cikin ƙungiyar wani Gide da ake zargi da addabar al’ummomi a yankin ƙauyen Ibbi da babbar hanya, tare da amfani da dajin Ibbi a matsayin maboya.
Haka kuma, rundunar ta ce Hiri na aiki tare da wata ƙungiya da ake zargin wani Batijo ne ke jagoranta a dajin Gugu, yayin da Legi Zangara ya amsa cewa yana cikin ƙungiyar mutum bakwai da aka ɗauka domin yin garkuwa da wani mutum a watan Agusta, inda aka karɓi kuɗin fansa na naira miliyan 3.5.
Kwamishinan ’yan sandan jihar Neja, CP Adamu Abdullahi Elleman, ya ce rundunar za ta ci gaba da yaƙi da manyan laifuka tare da gurfanar da waɗanda ake zargi a gaban kotu bayan kammala bincike.
Ya kuma buƙaci jama’a su riƙa ba jami’an tsaro sahihan bayanai domin taimakawa wajen hana aikata laifuka.