Majalisar Yaƙin Neman Zaɓen Shugaban Ƙasa ta jam’iyyar APC za ta gudanar da taronta na farko a ranar Talata, 20 ga Oktoba, 2026, a Abuja, domin fara shirye-shiryen yaƙin neman zaɓen babban zaɓen 2027.
A cewar sanarwar jam’iyyar, taron zai fara aikin majalisar a hukumance, inda za a duba jadawalin yaƙin neman zaɓen da aka gabatar tare da tattauna shirye-shiryen fara ayyukan yaƙin neman zaɓe a faɗin ƙasar.
- Ballon d’Or: Muhimman ƙa’idoji uku da ake amfani da su wajen zaɓen gwarzon ɗan wasa
- Ana ci gaba da ƙidayar makarantun Tsangaya da wayar da kai kan shirin Almajiri a Kano
APC ta ce yayin da take ƙarfafa tsarin jam’iyyarta gabanin babban zaɓen 2027, haɗin kai wajen gudanar da ayyuka, da wayar da kan jama’a a matakin tushe da kuma bai wa kowa damar shiga harkokin yaƙin neman zaɓen za su kasance muhimman abubuwa.
Ta bayyana cewa waɗanda aka amince su halarta su ne mambobin majalisar da sunayensu ke cikin jerin sunayen da aka amince da su, waɗanda ke ƙunshe a shafuka biyu da aka haɗa da sanarwar.