Ɗan takarar shugaban ƙasa na jam’iyyar ADC, Atiku Abubakar, ya yi alƙawarin sake buɗe iyakokin Najeriya da ƙarfafa dangantakar ƙasar da maƙwabtanta na Afirka idan aka zaɓe shi a matsayin shugaban ƙasa a zaɓen 2027.
Atiku ya bayyana hakan ne yayin bikin fara yaƙin neman zaɓensa a hukumance a jihar Sakkwato, inda ya ce zai sake duba batun rufe iyakokin ƙasar.
- ’Yan sanda sun yi barazanar kama masu lalata fastocin ’yan takara a zaɓen 2027
- Kudirin dokar kafa ’yan sandan jihohi na dab ga isa gaban Tinubu domin sanya hannu
Ya ce sake buɗe iyakokin zai taimaka wajen dawo da kyakkyawar dangantakar Najeriya da ƙasashen da ke makwabtaka da ita.
Ɗan takarar ya kuma bayyana aniyarsa ta farfaɗo da haɗin gwiwar da ke tsakanin Najeriya da sauran ƙasashen Afirka, musamman wajen harkokin kasuwanci da hulɗar ƙasashen biyu.
Rahoton Bashir Ibrahim Nababa ya ce Atiku ya bayyana wannan alƙawari ne a wajen taron ƙaddamar da yaƙin neman zaɓensa a Sakkwato.