Brighton ta fara kakar Premier League ta 2026/27 da gagarumar nasara, bayan ta ragargaji Aston Villa da ci 4–0, yayin da Manchester City ta sha da kyar da ci 2–1 a hannun Bournemouth.
A wasan Brighton da Aston Villa, Victor Lindelöf ne ya ci ƙwallar farko ta hanyar kuskuren kai ƙwallo cikin ragar kungiyarsa, kafin Maxim De Cuyper ya ƙara ta biyu.
Daga nan ne Jack Hinshelwood ya zura ƙwallaye biyu, wanda ya nuna rashin nasarar Aston Villa tun farkon rabin lokacin wasar
Villa ta ƙara shiga matsala bayan João Gomes ya karɓi jan kati, lamarin da ya sa aikin dawo da wasa ya ƙara mata wahala.
- Ajayi ya kawo ƙarshen jiran Hull City na shekaru 9 ba tare da cin ƙwallo ba
- Mourinho ya fara kakar wasa da kafar dama
A Etihad Stadium kuwa, Bournemouth ce ta fara cin ƙwallo, inda Marcus Tavernier ya jefa ƙwallon a minti na 26 bayan an samu matsala a bayan tsaron City.
Manchester City ta matsa lamba domin neman ramuwa, amma ta kasa cin ƙwallo har zuwa kusan ƙarshen wasan.
Sai dai a minti na 85, Marc Guéhi ya farke wa Manchester City da kai bayan bugun corner da Rayan Cherki ya yi.
Lokacin da ake ganin wasan zai ƙare da kunnen doki, Joško Gvardiol ya zura ƙwallar nasara a lokacin ƙarin lokaci, inda Manchester City ta samu maki uku cikin mawuyacin hali.
Wadannan sakamakon sun ƙara nuna cewa kakar Premier League ta bana ta fara da mamaki da kuma wani abu mai kama da wasan kwaikwayo tun daga makon farko.