Shugaban Amurka Donald Trump ya ce Amurka da China sun samu gagarumin ci gaba kan wasu manyan batutuwan da suka shafi ƙasashen biyu, yayin da ya karɓi takwaransa na China, Xi Jinping, a Fadar White House domin tattaunawa.
Trump ya ce tattaunawar tasu za ta mayar da hankali kan tsaro, fasaha da kuma abin da ya kira “super intelligence”, wato fasahar basirar ɗan Adam ta wucin gadi (AI).
- Kotu ta soke tikitin Pantami, ta umarci PDP ta sake zaɓen fidda gwani a Gombe.
- Kano ta amince da mayar da PHC biyar zuwa manyan asibitoci
A nasa ɓangaren, Xi Jinping ya jaddada muhimmancin ci gaba da tattaunawa tsakanin Amurka da China, tare da bayyana fatan cewa za a rika yi wa kamfanonin China adalci wajen gudanar da ayyukansu a Amurka.
Kafin isowar Xi, Trump ya sake bayyana cewa ba ya son a ƙara tsaurara dokokin da suka shafi fasahar AI a Amurka, yana mai cewa yana son a bar harkar yadda take a yanzu.
Taron na zuwa ne yayin da Amurka da China ke tattaunawa kan batutuwan tsaro da fasaha da harkokin tattalin arziki, lamarin da ke ƙara sanya dangantakar manyan ƙasashen biyu cikin kulawar duniya.