Hukumar kula da gidajen gyaran hali ta Najeriya (NCoS) ta tabbatar da tserewar fursunoni biyu daga gidan gyaran hali da ke Okene, Jihar Kogi.

Kakakin hukumar, Jane Osuji, ce ta bayyana hakan cikin wata sanarwa, inda ta ce fursunonin sun tsere ne a ranar Lahadi, 8 ga Nuwamba, 2026.

Hukumar ta ce tun bayan faruwar lamarin ta fara ƙoƙarin sake kama fursunonin tare da haɗin gwiwar sauran hukumomin tsaro.

Ta kuma bayyana cewa babban kwanturolan hukumar ya bayar da umarnin gudanar da cikakken bincike domin gano yadda fursunonin suka samu damar tserewa da kuma duk wani sakaci da ka iya haddasa lamarin.

Hukumar ta tabbatar wa jama’a cewa tana ɗaukar matakan da suka dace domin sake cafke fursunonin, tare da alƙawarin fitar da ƙarin bayani idan an samu sahihan bayanai.

By Bashar Muhammad Dange

Bashar Muhammad is a Nigerian multimedia journalist, broadcaster, producer, and Digital Manager at Blueprint Radio Hausa. He holds a B.Sc. and a Diploma in Mass Communication. He has experience in news reporting, radio production, digital media management, and content creation.

Leave a Reply

Your email address will not be published. Required fields are marked *