A halin yan,i, rundunar ’yan sandan Jihar Sokoto ta ce, ta cafke mutane uku da ake zargi da kasancewa cikin wata kungiyar da ta kware wajen satar babura a wasu sassan birnin Sokoto.
Waɗanda aka cafken sun hada da Siba Abdullahi daga Dimbiso a karamar hukumar Wurno da Hassan Hassan daga yankin Tamaje da Usama Isah daga Unguwar Rogo a Sokoto.
Binciken gidajensu ya kai ga gano babura biyar da ake zargin an sace, da kuma bindigar hannu guda da aka kera ba bisa ka’ida ba.
- 2027: Ko Tinubu ya naɗa matarsa CJN, ba zai ci zabe ba–Dalung
- Wasu mahara sun farmaki ayarin motocin gwamnan jihar Osun
Rundunar ta ce an gurfanar da wadanda ake zargin a gaban kotu.
Haka kuma, rundunar ta ce ta kama wasu mutane biyu, Hamza Abubakar da Yasir Muhammed, bayan samun rahotannin karuwar satar babura, karbar haraji ba bisa ka’ida ba da kuma safarar miyagun kwayoyi a wasu yankunan Mana Babba, Mabera, Unguwar Rogo da Tamaje
Binciken da aka gudanar ya kai ga gano wasu mutane da ake zargi da hada baki wajen satar babura da sayar da su, inda rundunar ta ce har yanzu ana farautar wasu daga cikin wadanda ake zargin.