Matakan tura sakamakon O’level ga JAMB “daga gida”
Mataki na farko
1. A ziyarci shafin buyresultsverificationcode.ng.
2. A shigar da Lambar Shaidar Ɗan Ƙasa (NIN) sannan a tantance ta.
3. A zaɓi ko za a ɗora sakamakon zama ɗaya ko biyu (ma’ana jarrabawa sau daya ko sau biyu), sannan a zaɓi hukumar jarabawar.
4. A shigar da adireshin email da lambar waya.
5. A biya kuɗi ta hanyar amfani da katin ATM ko tura kuɗi daga banki.
6. A shigar da lambar jarrabawa, da shekarar jarrabawa da kuma jerin/tsarin jarrabawar.
7. A tantance sakamakon sannan a karɓi Lambar Tantancewa (wato Verification Code).
- Rikicin ADC: Haryanzu nine ɗan takarar gwamna a Adamawa -Sulaiman
- An kammala taro kan tsaro tsakanin Najeriya da Turkiyya
- Sojoji Sun Hallaka ’Yan Ta’addan Boko Haram 21, Sun Lalata Sansaninsu a Adamawa
Mataki na biyu: Da zarar an samu Verification Code, a bi waɗannan matakai:
• A aika saƙon VERIFY tare da Verification Code zuwa 55019 ko 66019.
• Za a karɓi sanarwa da zarar an kammala ɗora sakamakon.
Ga ɗaliban da ke amfani da sakamakon zama biyu:
Daliban da ke amfani da sakamakon jarrabawa daga zama biyu su shiga shafin JAMB e-Facility ɗinsu, sannan:
• Su danna “2026 UTME O’Level Upload”.
• Su shigar da Verification Code ɗin da aka ba su.
• Su zaɓi darussan da ake buƙata daga cikin sakamakon da aka riga aka tantance.
• Dole ne ɗalibi ya zaɓi aƙalla darussa biyar (5), amma kada su wuce tara (9).
• Kada a zaɓi darasi guda sau biyu.
• A danna “Apply the O’Level Results.”
• Za a aiko da saƙon tabbatarwa.