Gwamnatin Tarayya ta ƙaddamar da sabbin ƙa’idoji kan canja hannun jari a kamfanonin sadarwa masu lasisi a Najeriya.
Sabbin ƙa’idojin sun tanadi cewa duk wani canjin mallakar kaso mai yawa dole ne ya samu amincewar Hukumar Sadarwa ta Najeriya kafin a kammala shi.
An bayyana cewa wannan tsarin zai taimaka wajen yin adalci a tsakanin kamfanonin sadarwa.
- Gaskiya a sadarwa tsakanin gwamnati da talakawa wajibi ce —Ministan Yada Labarai
- Gwamna Sule ya buƙaci a samar da dokar da za ta kawo ƙarshen tsarin almajirci a Najeriya
- Gwamnan Oyo ya sanya dokar hana fita ta sa’o’i 16 a ƙananan hukumomi 10
Haka kuma sabbin dokokin za su ƙarfafa tsaro sosai ga masu amfani da ayyukan sadarwa tare da bunƙasa amincewar masu zuba jari.
Gwamnatin ta ce matakin zai inganta gaskiya da bin ƙa’idoji a harkokin mallakar kamfanonin sadarwa.
Ana sa ran sabbin ƙa’idojin za su ƙarfafa ci gaban fannin sadarwa tare da tabbatar da daidaito a kasuwar sadarwa ta Najeriya.