Majalisar Dokokin Jihar Cross River ta ba ma’aikatu, sassa da hukumomin gwamnati (MDAs) da ba su gabatar da kansu gaban kwamitin kuɗi da kasafin kuɗi ba wa’adin ƙarshe zuwa ranar Litinin, 23 ga Nuwamba, 2026, ko su fuskanci yiwuwar rashin ware musu ko sisin kwabo a kasafin kuɗin shekarar 2027.

A cikin sanarwar da magatakardar majalisar, Catherine Ujong Ubi, ta fitar ranar 20 ga Nuwamba, ta ce waɗannan hukumomi na buƙatar bayyana gaban kwamitin domin kare kasafin kuɗin da suka gabatar na shekarar 2027.

Shugaban kwamitin kuɗi da kasafin kuɗi na majalisar, Hon. Cyril James Omini, ya bayyana damuwarsa kan gazawar wasu hukumomi wajen amsa gayyatar da aka yi musu, yana mai cewa zuwansu zai bai wa kwamitin damar tantance buƙatunsu na kuɗi da kuma binciken ƙididdigar kuɗin da suka gabatar.

Omini ya yi gargaɗin cewa duk hukumar da ta ƙi amsa wannan kira za ta iya rasa kuɗaɗen da aka tsara ware mata a cikin kudirin kasafin kuɗin 2027.

Ya kuma buƙaci hukumomin da abin ya shafa su halarci zaman na ranar Litinin tare da dukkan takardun kasafin kuɗinsu, domin tabbatar da gaskiya da riƙon amana a tsarin kasafin kuɗin jihar.

By Bashar Muhammad Dange

Bashar Muhammad is a Nigerian multimedia journalist, broadcaster, producer, and Digital Manager at Blueprint Radio Hausa. He holds a B.Sc. and a Diploma in Mass Communication. He has experience in news reporting, radio production, digital media management, and content creation.

Leave a Reply

Your email address will not be published. Required fields are marked *