An hana ‘yan wasan Super Eagles nasara mai muhimmanci a daren Laraba bayan Poland ta zura kwallo daf da lokacin tashi, inda aka karkare wasan ci 2-2, a wasan sada zumunta na kasa-da-kasa da suka buga a Warsaw.
Najeriya ce ta fara zura kwallo a ragar Poland a minti na 23 ta hannun Terem Moffi, sannan masu masaukin baki suka rama ta hannun Kacper Potuski, a minti na 45.
- yadda-arsenal-ta-halalta-wa-kanta-kofin-firimiya-na-farko-a-shekara-22/
- dole-a-gina-harkar-kwallon-kafa-daga-tushe-a-abuja
Najeriya ta sake yin gaba bayan Paul Onuachu ya zura kwallo a bugun daga kai sai mai tsaron raga a minti na 76.
Sai dai Poland ta sake dawowa ta hannun Przemyslaw Wiśniewski da kwallo mai kyau da ya zura a cikin karin lokaci.
Sakamakon wasan ya zama wani muhimmin mataki a shirye-shiryen Super Eagles na wasannin kasa da kasa da ke tafe, tare da shirin kece raini da kasar Portugal a ranar 10 ga watan Yuni.