Kotun ɗaukaka ƙara ta tabbatar da hukuncin da ya hana INEC amincewa da taron majalisar jihohi na jam’iyyar ADC

Kotun ɗaukaka ƙara da ke Abuja ta tabbatar da hukuncin da ya hana Hukumar Zaɓe Mai Zaman Kanta ta Ƙasa (INEC) amincewa ko shiga cikin kowane irin taron majalisar jihohi da shugabancin jam’iyyar African Democratic Congress (ADC) ƙarƙashin jagorancin David Mark ya shirya. 

• ‘Yan Sandan Abuja sun gurfanar da mutum 3 gaban Kotu kan zargin kisan kai
• Gwamnatin Tarayya ta dakatar da ƙarin kuɗin jarrabawar WAEC da NECO

A cikin wani hukunci na raba muryoyi inda alƙalai biyu suka amince, ɗaya kuma ya ƙi, kotun ɗaukaka ƙarar a ranar Litinin ta tabbatar da hukuncin da Joyce Abdulmalik, alƙala a babbar kotun tarayya da ke Abuja, ta yanke a ranar 29 ga watan Afrilu, 2026.