Ƙungiyar Barau FC ta ci gaba da samun nasara a Gasar Firimiyar Najeriya ta NPFL bayan doke Abia Warriors da ci 2-0 a wasan mako na biyar da suka buga a garin Kano, ranar Laraba, 23 ga watan Satumbar 2026.
Har yanzu babu wata ƙungiya da ta doke Barau FC a kakar wasan bana cikin wasanni biyar da ta buga, inda ta ke jan ragamar teburin Gasar NPFL da maki 11.
Ƙwallayen da Joseph Atule da kuma Ibrahim Ayoola suka ci, su suka tabbatarwa Barau FC da nasara yayin fafatawar.
-
Babu tashin hankali tsakanina da Dembele kan maganganun Ballon d’Or – Mbappe
-
WAFU-B U17: Najeriya ta lallasa Burkina Faso da ci 2-0
-
Falconets ta yi ban kwana da Gasar Cin Kofin Duniya ta Mata ‘yan ƙasa da shekaru 20
A wani wasan na daban, Sporting Lagos ta samu gagarumar nasara, inda ta je gidan Enyimba FC kuma ta doke ta da ci 3-2 a wasa mai ban sha’awa da ƙayatarwa wanda suka buga a ranar Laraba.
Rangers ta sha da ƙyar da ci 1-0 a hannun Ranchers Bees, yayin da Doma United da Plateau United suka raba maki a wasan da suka tashi ci 2-2.
Bendel Insurance ma ta samu maki uku bayan ta lallasa Ikorodu City da ci 2-1.
Ga Sakamakon Wasannin NPFL Na Mako Na Biyar Da Aka Buga
Rangers 1-0 Ranchers
Barau FC 2-0 Abia Warriors
Enyimba FC 2-3 Sporting Lagos
Bendel Insurance 2-1 Ikorodu City
Shooting Stars 2-0 Katsina United
Kwara United 2-1 Nasarawa United
Inter Lagos 1-1 Kano Pillars
Niger Tornadoes 0-0 Warri Wolves
Doma United 2-2 Plateau United