Akalla sojojin Nijar 319 sun bayar da gudunmuwar jini a wani shiri da Cibiyar tattara jini ta ƙasar (CNTS) ta gudanar a makarantar horas da sojoji da ke ƙauyen Tondibia, kusa da birnin Yamai.
Cibiyar ta ce jimillar sojoji 358 ne suka miƙa kansu domin bayar da gudunmuwar jinin, amma an samu nasarar karɓar jinin mutum 319.
- NCDC ta ce ba a samu sabon rahotun cutar Ebola ba cikin makonni uku
- Najeriya da Saudiyya sun rattaba hannu kan yarjejeniyar aikin Hajjin 2027
Wannan mataki na nuna yadda jami’an tsaron Nijar ke bayar da tasu gudunmuwar wajen ceton rayukan al’umma, ta hanyar taimaka wa waɗanda ke buƙatar ƙarin jini a asibitoci.
Bayar da gudunmuwar jini na daga cikin hanyoyin ceton rayuka, musamman ga marasa lafiya da waɗanda suka samu munanan raunuka sakamakon haɗurra ko wasu matsaloli na lafiya.
Masana lafiya da masu wa’azi na ƙarfafa al’umma su riƙa bayar da gudunmuwar jini domin rage ƙarancinsa da kuma taimakawa wajen hana mutuwar mutanen da ke buƙatar ƙarin jini cikin gaggawa.