Brazil ta tsallake rijiya da baya karawarsu da Japan

Da ƙyar da jiɓin goshi, Brazil ta  samu gurbin zuwa matakin ƙungiyoyi 16 na Gasar Cin Kofin Duniya bayan Gabriel Martinelli ya zura ƙwallo a mintin ƙarin lokaci.

Hakan ne kuwa ya tabbatar wa da Brazil ɗin nasara mai ban mamaki da ci 2-1 akan Japan. 

Ƙasar Japan ce ta fara zura ƙwallo a ragar Brazil a rabin lokacin farko, ta hannun Kaishu Sano.

Bayan dawowa hutun rabin lokaci Brazil ta kara inganta salon wasanta, inda Casemiro ya farke ƙwallon da aka ci su a karon farko.

• An gabatar da Enzo Maresca a matsayin sabon kocin Man City
• Lewandowski ya kusa komawa Chicago Fire

Shigowar ɗan wasan Arsenal Gabriel Martinelli daga benci ke da wuya ya ci ƙwallar da ta bai wa Brazil nasara a minti na 95, inda hakan ya faranta wa magoya baya rai a filin wasa na Houston.

Casemiro mai shekaru 34 da kwanaki 126, shi ne ɗan Brazil na biyu mafi tsufa da ya ci ƙwallo a Gasar Cin Kofin Duniya, bayan Bebeto kawai a 1998 (shekaru 34 da kwanaki 137 akan Denmark).