Tawagar Ingila ta fada cikin wani babban cikas bayan an sace musu kayan aiki masu yawa gabanin wasansu na farko a gasar cin kofin duniya.
Takalman ‘yan wasa, (ciki har da na Jude Bellingham da Harry Kane), kayan atisaye, kayan aikin ma’aikatan horarwa, kwallaye da kayan sawa na ranar wasa duk an fahimci suna cikin abubuwan da aka sace, kamar yadda SkyNews ta ruwaito.
- Somaliya ta yi martani kan abinda Amurka ta yiwa Artan
- Gasar Cin Kofin Duniya: Me ya sa Nahiyar Afirka ta juya wa Afirka Ta Kudu baya?
Yanzu haka sansanin tawagar Ingila na aiki tare da ‘yan sandan yankin domin gano kayan da aka sace ko kuma a samo wasu a kan lokaci domin atisaye ya ci gaba kamar yadda aka tsara.
Sai dai ‘Yan Sandan Kansas City sun ce, “An kama mutane biyu da ake zargi ana ci gaba da bincike.”