Hukumomin da Rasha ta kafa a yankin Crimea da ta mamaye sun ayyana dokar ta-baci. Wannan doka ta shafi birnin Sevastopol da kuma puren tsibirin baki ɗaya.
An ayyana dokar ta-bacin ne a ranar Jumma’a, 26 ga watan Yuni.
Gwamnan Crimea da Rasha ta nada, Sergei Aksyonov, shi ne ya sanar da kafa dokar. Ya bayyana cewa dokar ta-bacin ta fara aiki ne da misalin karfe 1:00 na rana a ranar Jumma’a, kuma za ta ci gaba da aiki har sai lokacin da abubuwa suka daidaita—idan ma za su daidaita.
Wannan mataki ya biyo bayan rahotannin karancin man fetur da aka fuskanta a tsibirin. Karancin man ya faru ne sakamakon tsananta hare-hare da dakarun Ukraine ke kaiwa kan hanyoyin da ake bi wajen shigar da kayayyaki (logistics).
- Yan kasuwa na neman a farfado da matatun mai
- Hare-haren Isra’ila a Gaza sun kashe aƙalla mutum 12
- Gobara ta hallaka aƙalla mutane 11 a Gidan marayu da ke Aljeriya
Abubuwa suna ci gaba da tabarbarewa a yankin Crimea.
A halin yanzu, ana kwashe sojojin Rasha da iyalansu daga yankin.
Ya ce: “Wannan dokar ta-baci za ta ci gaba da aiki ne har sai lokacin da yanayi ya inganta,” in ji Gwamnan Sevastopol, Mikhail Razvozhayev, a cikin wani jawabi na bidiyo da ya wallafa a shafinsa na Telegram yayin da yake sanar da kafa dokar ta-baci a faɗin birnin.
Rasa ikon shawo kan lamarin yana ƙara jefa shakku a zukatan mazauna yankin game da bajintar gwamnatin Rasha na iya daidaita al’amura.