Shugaba Bola Tinubu ya bai wa sabuwar Majalisar Kula da Harkokin Kuɗaɗen Dijital wa’adin kwanaki 30 domin ta samar da cikakken tsarin aiwatar da sabuwar dokar da ya rattaba wa hannu.
A cewar Fadar Shugaban Ƙasa, sabon tsarin zai haɗa da gwajin sabbin kayayyakin kuɗaɗen dijital a ƙarƙashin kulawar Babban Bankin Najeriya (CBN), kafin a ba su damar shiga kasuwa gaba ɗaya.
- Ɓunƙasa Ilimi da rage talauci: Gwamnatin tarayya ta ƙaddamar da shirye-shirye biyar na bankin Duniya
- NDLEA na neman wasu jagororin saida miyagun kwayoyi ruwa a jallo
Haka kuma, Hukumar Tara Kuɗaɗen Shiga ta Ƙasa (NRS) za ta fitar da manufofin haraji ga masu harkokin kuɗaɗen dijital domin tabbatar da cewa fannin na ba da gudummawa ga kuɗaɗen shiga na gwamnati.
Gwamnatin Tarayya ta ce tana kuma kammala wani cikakken kundin manufofi kan harkokin kadarorin dijital, wanda zai zama jagora ga masu ruwa da tsaki da kuma ci gaban tattalin arzikin dijital a Najeriya.