A halin yanzu, Kylian Mbappe ne ke jagorantar jerin sunayen ‘yan wasan da ke takarar lashe Takalmin Zinare na wanda ya fi zura yawan ƙwallaye a Gasar Cin Kofin Duniya ta 2026.
Mbappe ya na da ƙwallaye 10 a gasar, inda ya zarce Lionel Messi da ƙwallo 2, wanda zai buga wasan ƙarshe ranar Lahadi.
Ƙwallo 2 da Mbappe ya ci a wasan da Faransa ta sha kashi 6-4 a hannun Ingila a wasan neman matsayi na uku ne suka sa ya ƙara tazararsa. Yanzu haka shi ne wanda ya fi kowa zura ƙwallaye a tarihin kofin duniya baki ɗaya da ƙwallaye 22.
-
Gasar Cin Kofin Dunuya ta 2026: Ingila ta lashetagulla a kan Faransa
-
Flying Eagles za ta fara kare kambun WAFU B akan Ghana
-
FIFA za ta bai wa tawagar da ta lashe Gasar Kofin Duniya ta 2026 zobe na zakaru a karon farko
Messi, wanda ke da ƙwallaye 8, zai buƙaci ya ci ƙwallo 2 a wasan ƙarshe da Spaniya a ranar Lahadi domin ya zarce Mbappe.
Sai dai Mbappe da Messi sun yi canjaras a ɓangaren bayar da taimako inda kowannen su ke da 4, kuma a na amfani da hakan wajen tantance wa zai lashe Takalmin Zinaren idan sun kammala da yawan ƙwallaye iri ɗaya.
Erling Haaland da Jude Bellingham da aka fitar a gasar suna da ƙwallaye 7, yayin da Harry Kane ke da 6.
Ga manyan ‘yan wasanni 5 na farko da ke takarar lashe Takalmin Zinare na Gasar Cin Kofin Duniya ta 2026:
| Matsayi | Dan Wasa | Ƙasa | ƙwallaye |
| 1 | Kylian Mbappe | Faransa | 10 |
| 2 | Lionel Messi | Argentina | 8 |
| 3 | Erling Haaland | Norway | 7 |
| 4 | Jude Bellingham | Ingila | 7 |
| 5 | Harry Kane | Ingila | 6 |