Gasar Cin Kofin Duniya: Messi, Mbappe, Kane ko Haaland, wa zai lashe Takalmin Zinare?

A halin yanzu, dan wasan gaban kasar Norway, Erling Haaland ya kamo Kylian Mbappe da Lionel Messi a gasar neman lashe Takalmin Zinare a Gasar Cin Kofin Duniya ta 2026.

Dukkanin manyan taurarin suna cigaba da nuna bajinta a fafatawar zama mafi yawan zura kwallaye a gasar da ƙasashen Amurka, Kanada da Mexico ke ɗaukar nauyi.

Haaland ya jagoranci Norway zuwa kwata fainal a karon farko kuma ya karfafa matsayinsa a jerin masu zura ƙwallaye ta hanyar zura kwallo biyu da suka fitar da Brazil.

Yanzu haka Haaland, ya na da kwallaye 7 dai-dai da manyan ƴan wasa irin su Mbappe da Messi.

• Neymar ya sanar da yin murabus daga Brazil

• Madrid ta sayi Dumfries daga Inter Milan

• Gasar Cin Kofin Duniya ta U17 na mata: Flamingos ta doke Benin

Kyaftin din England, Harry Kane ne na gaba da kwallaye 6 bayan bugun fanaretin da ya taimaka wa tawagarsa doke mai karbar baƙunci Mexico 3-2 domin fafata wasan kwata fainal da Norway.

Ga yadda jadawalin masu neman lashe Takalmin zinare take a yanzu…

1. Erling Haaland (Norway) 7
2. Kylian Mbappe (Faransa) 7
3. Lionel Messi (Argentina) 7
4. Harry Kane (Ingila) 6
5. Ismaila Sarr (Moroko) 4
6. Jude Bellingham (Ingila) 4
7. Julián Quiñones (Mexico) 4
8. Mikel Oyarzabal (Spaniya) 4
9. Ousmane Dembélé (Faransa) 4
10. Vinícius Júnior (Brazil) 4

Wa nene kake ganin zai lashe Takalmin Zinaren a karshen karshe?